|Thursday, October 18, 2018
You are here: Home » Top News » अध्यात्मिक गुरू दादा वासवानी यांचे निधन

अध्यात्मिक गुरू दादा वासवानी यांचे निधन 

ऑनलाईन टीम / पुणे :

प्रसिद्ध अध्यात्मकि गुरू आणि साधू वासवानी मिशनचे संस्थापक दादा वासवानी यांचं आज पुण्यात वृद्धापकाळानं निधन झालं. ते 99 वर्षाचे होते. त्यांच्या निधनानं अध्यात्मकि क्षेत्राची मोठी हानी झाल्याची प्रतिक्रिया व्यक्त होत आहे.

आज सकाळी पुण्यात दादा वासवानी यांनी अखेरचा श्वास घेतला. त्यांचं पार्थिव अंतिम दर्शनासाठी वासवानी मिशनमध्ये ठेवण्यात येणार आहे. सिंधी समाजाचे धार्मिक गुरू म्हणून दादा वासवानी यांची ओळख होती. 2 ऑगस्ट 1918 रोजी हैदराबादमध्ये त्यांचा जन्म झाला होता. त्यांनी आयुष्यभर शाकाहाराचा प्रचार-प्रसार करतानाच प्राण्यांच्या जतन आणि संवर्धनासाठीही मोठं काम केलं होतं. त्यांनी अध्यात्मावर एकूण 15 पुस्तके लिहिली आहेत. शिकागो येथील जागतिक धर्म संसद आणि न्यूयॉर्क येथील जागतिक शांतता परिषदेला त्यांनी संबोधित केले होते.

 

Related posts: