|Tuesday, November 12, 2019
You are here: Home » Top News » मिरज : गणेशोत्सवासाठीच्या स्वागतकमानी रद्द करून निधी पूरग्रस्तांना

मिरज : गणेशोत्सवासाठीच्या स्वागतकमानी रद्द करून निधी पूरग्रस्तांना 

ऑनलाइन टीम / मिरज : 

महापुरामुळे कोटय़ावधी रुपयांचे नुकसान झाले आहे. त्यामुळे पूरग्रस्तांना मदत करणे गरजेचे आहे. ही सामाजिक गरज ओळखून शिवसेना, अखिल भारतीय मराठा महासंघाने यंदा गणेशोत्सवामध्ये स्वागत कमान उभी न करण्याचा निर्णय घेतला आहे. तो निधी पूरग्रस्तांना देण्यात येणार आहे.

मंगळवारी मिरजेत मराठा महासंघाची व शिवसेनेची अशा दोन स्वतंत्र बैठका झाल्या. गणेशोत्सवाच्या काळामध्ये नऊ ठिकाणी मिरजेत स्वागत कमानी उभारल्या जातात. यामध्ये शिवसेना व अखिल भारतीय मराठा महासंघाचीही स्वागत कमान असते. सध्याच्या महापुरामुळे अनेकांचे नुकसान झाले आहे. त्यामुळे शिवसेना व मराठा महासंघाने यंदा स्वागत कमान न उभारण्याचा निर्णय घेतला.

मराठा महासंघाचे जिल्हाध्यक्ष नेताजी सुर्यवंशी म्हणाले, स्वागत कमानी ऐवजी स्वागत कक्ष उभारण्यात येईल. त्यामध्ये पूरग्रस्तांना मदत देण्यासाठी मदतीचे आवाहन करण्यात येईल. जमणारा निधी शासनाकडे देण्यात येईल.

 

Related posts: