|Thursday, February 20, 2020
You are here: Home » आवृत्ती » पुणे » माती विभागात प्रशांत जगताप, नितीन पवार सुवर्णपदकाचे मानकरी

माती विभागात प्रशांत जगताप, नितीन पवार सुवर्णपदकाचे मानकरी 

 ऑनलाईन टीम / पुणे :

महाराष्ट्र राज्य कुस्तीगीर परिषद आणि पुण्यातील अमनोरा टाऊनशिपचे विकसक असलेल्या सिटी कॉर्पोरेशन लिमिटेड तर्फे आयोजित ‘63 व्या महाराष्ट्र केसरी कुस्ती स्पर्धे’ची रविवारच्या सकाळच्या सत्रात 70 व 86 किलो वजनी गटातील माती विभागातील अंतिम फेरीने झाली. म्हाळूंगे- बालेवाडी येथील श्री शिवछत्रपती क्रीडा संकुल येथे सुरू असलेल्या या स्पर्धेत हे अतीतटीचे सामने रंगले होते. यात सोलापूरचा प्रशांत जगपात (86 किलो) व कोल्हापूर शहराचा नितिन पवार (70 किलो) यांनी सुवर्ण पदके पटकावले.

आज 70 व 86 किलो वजनी गटातील माती विभागातील अंतिम फेरीचे सामने पार पडले. यात 86 किलो वजनी गट- माती विभागात सोलापूरच्या प्रशांत जगताप याने अहमदनगरच्या आकाश भिंगारेला 8-2 गुणांनी पराभूत करत सुवर्ण पदक पटकावले. प्रशांत हा वयाच्या 22 व्या वषी प्रथमच महाराष्ट्र केसरी वजनी गट स्पर्धेतीत सहभागी झाला आणि पहिल्याच वषी सुवर्णपदकावर त्याने आपली मोहर उमटविली. सोलापूर जिल्हयातील कुंभारगाव येथील हा पहिलवान वस्ताद अमृत मामा भोसले यांच्या तालमीत तयार झाला आहे. तसेच पुण्याच्या संतोष पडळकरने सांगलीच्या रणजीत पवारला 10-0 ने हरवत कांस्य पदकावर मोहर उमटवली.

यावेळी अंतिम 70 किलो वजनी गटात माती विभागात कोल्हापूर शहर पहिलवान नितिन पवार व कोल्हापूर जिह्यातील मच्छिंद्र निवंगरे यांच्यात अत्यंत चुरशीची व अतीतटीची लढत झाली. दोघांनीही 4-4 गुण मिळविले. मात्र नियमांनुसार निर्धारित वेळेतील अंतिम गुण हा नितिन पवार याने पटकाविल्याने त्याला विजेता घोषित करण्यात आले व तो सुवर्णपदकाचा मानकरी ठरला. नितिन पवारने यापूर्वी 2017 च्या महाराष्ट्र केसरी स्पर्धेत कांस्य पदक पटकाविले होते. महाराष्ट्र केसरी वजनी गटातील ही त्याची पाचवी स्पर्धा असून वस्ताद कृष्णात पाटील यांच्याकडून प्रशिक्षण घेत आहे. तर सोलापूर जिह्यातील संतोष गावडे याने उस्मानाबादच्या लक्ष्मण जाधवला 2-1 च्या फरकाने हरवत कांस्य पदक जिंकले.

Related posts: