रत्नागिरी प्रतिनिधी
मुंबईतील हॉस्पिटलमध्ये अपॉईंटमेंट घेण्याच्या बहाण्याने ऑनलाईन पेमेंट करावे लागेल असे सांगत तब्बल 1 लाख 90 हजार रुपयांची ऑनलाईन फसवणूक केल्याची घटना 27 मे रोजी सकाळी 10.16 ते सोमवार 29 मे रोजी सकाळी 10.40 वा. कालावधीत घडली आहे. या प्रकरणी अज्ञाताविरोधात रत्नागिरी ग्रामीण पोलीस ठाण्यात गुन्हा दाखल करण्यात आला आहे.
पोलिसांकडून प्राप्त सविस्तर माहितीनुसार, फिर्यादी यांचा भाऊ अब्दुलशकुर कासम खान याची बायोप्सी टेस्ट मुंबई येथील सुलतान प्रधान हॉस्पिटल येथे करायची होती. यासाठी हॉस्पिटलची अपॉईंटमेंट घेण्यासाठी फिर्यादींच्या ओळखीचे असलेले शकील मजगावकर यांनी गुगलवरुनसुलतान हॉस्पिटलचा (7003637194) हा मोबाईल नंबर फिर्यादी यांचा भाऊ नौशादला दिला. यानंतर नौशादने अपॉईंटमेंट घेण्यासाठी त्या मोबाईलवर कॉल केला असताना अपॉईंटमेटसाठी 5 रुपये ऑनलाईन पेमेंट करावे लागतील असे समोरून बोलणाऱ्या संशयिताने सांगितले. त्याच्या बोलण्यावर ठाम विश्वास ठेवला. यानंतर समोरील अज्ञाताने नौशाद यांना बुकिंग ॲपची लिंक पाठवली. ही लिंक ओपन करुन नौशादने त्यामध्ये पेशंटचे नाव व युपिआय नंबर टाकला होता. यानंतर नौशाद आणि अब्दुल शकुर कासम खान हे मुंबईला सुलतान प्रधान हॉस्पिटलमध्ये गेले तिथे चौकशी केल्यानंतर त्यांना अपॉईंटमेंट घेण्यात आली नसल्याचे समजले. त्यानंतर नौशादने आपल्या बँक खात्याचे स्टेटमेंट चेक केले असता त्याला आपल्या खात्यातून ऑनलाईन पध्दतीने 1 लाख 89 हजार 6 रुपये अज्ञाताच्या बँक खात्यात ट्रान्सफर झाल्याचे समजले. अपॉईंटमेंटच्या नावावर आपली फसवणूक झाल्याचे लक्षात येताच फिर्यादीने शहर पोलीस ठाण्यात तक्रार दिली. या प्रकरणी अज्ञाताविरोधात कलम 420 माहिती तंत्रज्ञान अधिनियम 66 (क) अन्वये गुन्हा दाखल आला आहे.
