पंतप्रधान नरेंद्र मोदी ( PM Modi ) यांनी कर्नाटकातील ( Karnataka ) तुमाकुरू (Tumakuru) येथे भारतातील सर्वात मोठ्या हेलिकॉप्टर उत्पादन उपक्रमाचे उद्घाटन केले. फ्रान्ससोबत राफेल लढाऊ विमान करारावरून काँग्रेस आणि सहकाऱ्यांनी मोदी सरकारवर केलेल्या आरोपांवर पंतप्रधान मोदींनी भाष्य करून कॉंग्रेसवर निशाणा साधला.
कर्नाटकची राजधानी बेंगळूरपासून सुमारे ७० किमी अंतरावर असलेल्या तुमाकुरू येथे एका सभेला संबोधित करताना, विरोधकांनी हिंदुस्तान एरोनॉटिक्स लिमिटेड ( HAL ) बद्दल चुकीची माहिती पसरवून संसदेचा मौल्यवान वेळ वाया घालवला असल्याचे पंतप्रधान मोदी म्हणाले. “विरोधकांकडून HAL बद्दल चुकीची माहिती पसरवण्यात आली, आमच्या सरकारवर अनेक खोटे आरोप केले गेले. त्यावर संसदेचे अनेक तास वाया गेले. आज उद्घाटन केलेले HAL ची हेलिकॉप्टर तयार करण्याचा प्रकल्प खोटे आरोप करणार्‍यांचा पर्दाफाश करेल.” असे ते म्हणले.
पुढे बोलताना पंतप्रधान म्हणाले, “कर्नाटक ही नवनिर्माणाची भूमी असून राज्यात ड्रोनपासून तेजस विमानांपर्यंतची निर्मिती केली जात आहे. कर्नाटक राज्य गुंतवणूकदारांची पहिली पसंत बनले आहे. आधुनिक अ‍ॅसॉल्ट रायफल, विमानवाहू युद्धनौका, लढाऊ विमाने भारताकडून उत्पादित केली जात आहेत” अशी त्यांनी पुष्टी केली.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.
Add A Comment
