ऑनलाईन टीम / तरुण भारत :
Teak smuggling in Gadchiroli गडचिरोलीच्या सिरोंचा तालुक्यातून वाहणाऱ्या कर्जेली नदीतून पुष्पा स्टाईल सागवानाची तस्करी करण्यात येत होती. झिंगानूर वनविभागाच्या सतर्कतेमुळे हा प्रकार उघडकीस आला असून, वनविभागाच्या पथकाने 6.456 घन मीटर आकाराचे सागवानाचे 37 ओंडके जप्त केले आहेत.
मिळालेल्या माहितीनुसार, कर्जेली नदीच्या काठावर कत्तल केलेल्या सागवान झाडाचे ओंडके लपवून आणि त्यांचे तराफे बनवून नदीपात्रातून तस्करी केली जात होती. झिंगानूर वनविभागाला याची माहिती मिळताच दोन पथके घटनास्थळी पाठविण्यात आली. त्यावेळी हा प्रकार उघडकीस आला. यावेळी वनविभागाने केलेल्या कारवाईत सागवानाचे 37 ओंडके जप्त केले आहेत. त्याची किंमत अंदाजे 4.66 लाख एवढी आहे. याप्रकरणी वनविभागाने संबंधितांवर गुन्हे दाखल करून तपास सुरू केला आहे.
अधिक वाचा : अमरावती जिल्हा स्त्री रुग्णालयात सिलिंडरचा स्फोट; नवजात बालकांना इजा