राजद नेत्याचा नितीश कुमारांना सल्ला
वृत्तसंस्था/ पाटणा
कुढनी विधानसभा पोटनिवडणुकीत भाजपकडून पराभव पत्करावा लागल्यावर महाआघाडीतील मतभेद पुन्हा उफाळून आले आहेत. राजद नेते आणि कुढनीचे माजी आमदार अनिल कुमार सहनी यांनी संजद नेते आणि मुख्यमंत्री नितीश कुमार यांना या पराभवासाठी जबाबदार धरले आहे. बिहारचे मुख्यमंत्री नितीश कुमार यांनी ‘नैतिकतेच्या आधारावर’ राजीनामा द्यावा अशी मागणी त्यांनी केली आहे. कुढनीत महाआघाडीचा नव्हे तर नितीश कुमार यांचा पराभव झाला आहे. संजदच्या उमेदवाराला उपमुख्यमंत्री तेजस्वी यादव यांच्यामुळे मते प्राप्त झाली आहेत. कुढनीच्या जनतेने नितीश कुमार यांना धडा शिकविला आहे. किंचित नैतिकता शिल्लक असल्यास नितीश कुमार यांनी राजीनामा देत तेजस्वी यादव यांना मुख्यमंत्रिपद सोपवावे असे अनिल सहनी यांनी म्हटले आहे.