बेळगाव : बेळगाव विमानतळ प्राधिकरणाच्यावतीने सांबरा, बाळेकुंद्री या परिसरात स्वच्छता मोहीम राबविण्यात आली. विमानतळ तसेच एअरमन ट्रेनिंग स्कूलच्या संरक्षक भिंतीच्या बाजूने साचलेला कचऱ्याचा ढीग बाळेकुंद्री ग्राम पंचायतीच्या सहयोगाने उचलण्यात आला. याबरोबरच विमानतळ परिसरातही स्वच्छता मोहीम राबविण्यात आली. विमानतळाच्या परिसरातच नागरी वस्ती असल्यामुळे कचऱ्याचा प्रश्न निर्माण होत आहे. बाहेरून येणाऱ्या प्रवाशांना हा कचरा दृष्टीस पडत असून यामुळे बेळगावची प्रतिमा मलीन होत आहे. त्यामुळे कचरा जमा करण्याची मोहीम विमानतळ प्राधिकरणाने राबविली. यामध्ये विमानतळ कर्मचाऱ्यांसोबत ग्राम पंचायत सदस्य तसेच कर्मचाऱ्यांनीही सहभाग घेतला.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
