सुष्मिता सेनचा बहुप्रतीक्षित चित्रपट ‘ताली’चा ट्रेलर प्रदर्शित झाला आहे. या चित्रपटात सुष्मिता ट्रान्सजेडर अॅक्टिव्हिस्ट गौरी सावंत यांची व्यक्तिरेखा साकारणार आहे. ‘गौरी आली आहे, तुमचा स्वाभिमान, सन्मान आणि स्वातंत्र्याची कहाणी घेऊन’ असे तिने कॅप्शनमध्ये नमूद केले आहे. चित्रपटात ट्रान्सजेंडर्सच्या अधिकारांसाठीची लढाई दाखविण्यात येणार आहे. ट्रान्सजेंडर्सचा संघर्ष यात दिसून येणार आहे. सुष्मिता सेनने या चित्रपटामध्ये स्वत:चा सर्वोत्तम अभिनय केला असल्याचे बोलले जात आहे. ट्रेलर पाहून सुष्मिताच्या व्यक्तिरेखेचे कौतुक होत आहे. हा चित्रपट 15 ऑगस्ट रोजी ओटीटी प्लॅटफॉर्म जियो सिनेमावर प्रदर्शित होणार आहे. या चित्रपटाचे दिग्दर्शन रवि जाधव यांनी केले आहे. या सीरिजमध्ये सुष्मिताच्या तोंडी असलेले संवाद मनाला भिडणारे आहेत. या चित्रपटाच्या चित्रिकरणादरम्यान सुष्मितावर आरोग्यासंबंधी मोठे संकट ओढवले होते. त्यावर मात करत सुष्मितो याचे चित्रिकरण पूर्ण केले आणि आता ती याच्या प्रमोशनसाठी देशभरात फिरत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
