सेन्सेक्स 571 अंकांनी नुकसानीत : एनएचपीसीचे समभाग 6 टक्क्यांनी नुकसानीत
वृत्तसंस्था /मुंबई
चालू सप्ताहातील गुरुवारच्या सत्रात व मागील तीन सत्रांमध्ये सलगची घसरण राहिल्याची नोंद करण्यात आली आहे. यामध्ये अमेरिकन फेडरल रिझर्व्ह बँक व्याजदर वाढीवर निर्णय घेण्याची शक्यता निर्माण झाली असल्यामुळे याचा परिणाम हा जगभरातील अन्य शेअर बाजारावर होत असल्याचे दिसून येत आहे. भारतीय शेअर बाजारात गुरुवारी सेन्सेक्स 570 तर निफ्टी 159 अंकांनी प्रभावीत होत बंद झाले आहेत. यात महिंद्रा अॅण्ड महिंद्रा आणि आयसीआयसीआय बँक यांचे समभाग हे तीन टक्क्यांनी नुकसानीत राहिले आहेत.
प्रमुख कंपन्यांच्या मदतीने सेन्सेक्स दिवसअखेर 570.60 अंकांनी प्रभावीत होत निर्देशांक 66,230.24 वर बंद झाला आहे. दुसऱ्या बाजूला राष्ट्रीय शेअर बाजाराचा निफ्टी हा दिवसअखेर 159.05 अंकांच्या घसरणीसोबत निर्देशांक 19,742.35 वर बंद झाला आहे. एनएचपीसीचे समभाग हे सर्वाधिक सहा टक्क्यांनी घसरुन बंद झाले आहेत. सेन्सेक्समध्ये आयसीआयसीआय बँकेचे समभाग हे घसरणीत राहिले असून यात महिंद्रा अॅण्ड महिंद्रा, स्टेट बँक, अल्ट्राटेक सिमेंट आणि इंडसइंड बँक यांचे समभाग दोन टक्क्यांनी प्रभावीत राहिले आहेत. यासह कोटक महिंद्रा बँक, टाटा मोर्ट्स, बजाज फिनसर्व्ह, अॅक्सिस बँक, पॉवरग्रिड कॉर्प, आयटीसी, एचसीएल टेक यांचे समभाग हे एक टक्क्यांपेक्षा अधिकने नुकसानीत राहिले आहेत. या व्यतिरिक्त जेएसडब्ल्यू स्टील, एनटीपीसी, बजाज फायनान्स, रिलायन्स इंडस्ट्रीज, टीसीएस, नेस्ले इंडिया, एचडीएफसी बँक, मारुती सुझुकी आणि विप्रो यांचे समभाग हे घसरले आहेत. दुसरीकडे टेक महिंद्रा, भारती एअरटेल, एशियन पेन्ट्स, इन्फोसिस, हिंदुस्थान युनिलिव्हर आणि लार्सन अॅण्ड टुब्रो यांचे समभाग मात्र गुरुवारी तेजीत राहिले आहेत.
या कारणांमुळे बाजार नुकसानीत
अमेरिकन फेडरल रिझर्व्ह बँकेने आपल्या व्याजदर बैठकीत आगामी काळासाठी व्याजदर वाढ करण्याचे संकेत दिले असल्याने व तो दीर्घ कालावधीसाठी राहणार असल्याच्या कारणास्तव जगभरातील विविध शेअर बाजारात घसरण राहिली आहे. यादरम्यान भारतीय बाजारातील मुख्य क्षेत्रांमध्ये वाहन, बँक आणि औषध यांच्या क्षेत्रांतील समभागात सर्वाधिक विक्री राहिली असल्याचा परिणाम हा भारतीय शेअर बाजारात अधिक झाल्याची नोंद अभ्यासकांनी केली आहे.
समभाग वधारलेल्या कंपन्या
- अदानी पोर्ट्स 831
- टेक महिंद्रा 1291
- डॉ. रे•िज लॅब्ज 5668
- एशियन पेंटस् 3244
- भारती एअरटेल 917
- बीपीसीएल 355
- इन्फोसिस 1501
- ब्रिटानिया 4558
- युपीएल 625
- अदानी एंटरप्रायझेस 1479
- लार्सन टुब्रो 2899
- अपोलो हॉस्पिटल 5020
- हिंडाल्को 479
- एचयुएल 2473
समभाग घसरलेल्या कंपन्या
- महिंद्रा आणि महिंद्रा 1583
- आयसीआयसीआय 959
- सिप्ला 1206
- एसबीआय 588
- इंडसइंड बँक 1411
- हिरो मोटाकॉर्प 3000
- बजाज ऑटो 5085
- कोटक महिंद्रा 1755
- टाटा मोटर्स 627
- बजाज फिनसर्व्ह 1526
- ग्रासिम 1911
- अल्ट्राटेक सिमेंट 8313
- पॉवरग्रिड कॉर्प 201
- एलटीआय माइंडट्री 5394
- कोल इंडिया 280
- अॅक्सिस बँक 1014
- आयटीसी 447
- एचसीएल टेक 1278
- एनटीपीसी 238
- जेएसडब्ल्यू स्टील 778
- डिव्हीस लॅब्ज 3746
- जियो फायनॅन्शीयल 227
- एसबीआय लाइफ 1334
- ओएनजीसी 186
- बजाज फायनान्स 7484
- रिलायन्स 2364
- एचडीएफसी बँक 1553
