कोल्हापूर: राजर्षी छत्रपती शाहूमहाराजांची आज स्मृती शताब्दी सोहळा कोल्हापुरात पार पडत आहे. मात्र या कार्यक्रमाला मुख्यमंत्री-उपमुख्यमंत्री उपस्थित राहणार अशी चर्चा होती. मात्र ऐनवेळी मुख्यमंत्री उद्धव ठाकरे व उपमुख्यमंत्री अजित पवार यांची अनुपस्थिती असणार असल्याची माहिती समोर येत आहे.
मुख्यमंत्री उद्धव ठाकरे व उपमुख्यमंत्री अजित पवार हे ऑनलाइन या कार्यक्रमाला उपस्थित राहणार आहेत. सकाळी दहा वाजता १०० सेकंद स्तब्ध राहून शाहुराजांना मानवंदना दिली जाणार आहे. कोल्हापुरातील नर्सरी बागेतल्या शाहूंच्या समाधीस्थळावर दिली जाणार मान्यवरांकडून मानवंदना देण्याचा कार्यक्रम सकाळी दहा वाजता होणार आहे. मात्र मुख्यमंत्री, उपमुख्यमंत्र्यांची मानवंदना कार्यक्रमाला ऐनवेळी दांडी मारल्याने शाहूप्रेमी मध्ये नाराजीचा सूर उमटत आहे.