तृषा कृष्णन ही दाक्षिणात्य चित्रपटसृष्टीतील दिग्गज अभिनेत्री आहे. काही काळापूर्वी मणिरत्नम यांच्या पोन्नियिन सेल्वम या चित्रपटाच्या दोन्ही भागांमध्ये ती दिसून आली होती. तृषा आता वैयक्तिक आयुष्यावरून चर्चेत आहे. स्वत:चा सुंदर लुक आणि उत्तम अभिनयाद्वारे तृषा लाखो चाहत्यांच्या मनावर राज्य करते. अभिनेत्री आता स्वत:च्या आयुष्यातील नव्या टप्प्याची तयारी करत आहे. तृषा लवकरच विवाह करणार असल्याचे समजते. एका मल्याळी निर्मात्यासोबत ती विवाहबद्ध होणार असल्याचे वृत्त आहे. परंतु अभिनेत्रीकडून यासंबंधी अद्याप कुठलीच पुष्टी देण्यात आलेली नाही. 23 जानेवारी 2015 रोजी तृषाचा चेन्नईतील एका उद्योजकासोबत साखरपुडा झाला होता. परंतु काही महिन्यांनी तृषाने सर्वांना धक्का देत आपण हे नाते मोडत असल्याची घोषणा केली होती. परंतु तृषाने याचे कारण कधीच जाहीर केलेले नाही. तृषाने काही हिंदी चित्रपटांमध्ये काम केले आहे. तृषा ही केवळ दाक्षिणात्य चित्रपटांमध्ये काम करण्यावर भर देत आहे. परंतु उत्तम पटकथा असल्यास हिंदी चित्रपटांमध्ये काम करण्याची तिची तयारी आहे.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Add A Comment
