जामा नियतकालिकात प्रकाशित संशोधनात दावा
व्हिडिओ गेम्समुळे मुलांवर पडणाऱया नकारात्मक प्रभावाबद्दल पालक चिंता करत असतात. याचा प्रभाव मानसिक आरोग्य आणि सामाजिक संबंधांसह शारीरिक आरोग्यावरही पडतो. मुले योग्य आहार घेत नाहीत तसेच शारीरिक हालचाली कमी होत असतात. परंतु जामा नियतकालिकात प्रकाशित एका नव्या संशोधनानुसार मुलांसाठी व्हिडिओ गेम्स ब्रेन बूस्टरप्रमाणे काम करत असतात.
यापूर्वी झालेल्या संशोधनांमध्ये व्हिडिओ गेम्सना नैराश्य आणि वाढणाऱया संतापाशी जोडण्यात आले होते. यातील काही अध्ययनांमध्येच बेन इमेजिंग करण्यात आले होते असे अध्ययनाचे मुख्य संशोधक बेडर चारानी यांनी म्हटले आहे.
चारानी आणि त्यांच्या टीमने स्वतःच्या संशोधनात 2 हजार मुलांना सामील केले. या मुलांचे वय 9-10 वर्षांदरम्यान होते. या मुलांना दोन गटात विभागण्यात आले. पहिल्या गटात कधीच व्हिडिओ गेम्स न खेळलेल्या मुलामुलींना समाविष्ट करण्यात आले. दुसऱया गटात दररोज 3 तासांपेक्षा अधिक व्हिडिओ गेम्स खेळणाऱया मुलांना सामील करण्यात आले. वैज्ञानिकांनी दुसऱया गटासाठी प्रतिदिन 3 तासांचा कालावधी निवडण्यामागे कारण आहे. अमेरिकन अकॅडमी ऑफ पीडियाट्रिक्सनुसार मुलांनी एक किंवा दोन तासापर्यंतच व्हिडिओ गेम्स खेळणे योग्य आहे.
अध्ययनात मुलांना अनेक कृती करण्यास सांगण्यात आल्या. व्हिडिओ गेम्स खेळणाऱया मुलांनी सर्व टास्क अत्यंत चांगल्याप्रकारे पूर्ण केल्याचे संशोधकांना आढळून आले. व्हिडिओ गेम्स मुलांच्या मेंदूला उत्तम प्रतिक्रिया देण्यासाठी तयार करत असल्याचे वैज्ञानिकांना आढळून आले. व्हिडिओ गेम्स मुलांसाठी बेन बूस्टरचे काम करतात.
संशोधकांचे पथक आता मोठय़ा मुलांवर हे अध्ययन करू इच्छित आहे. मुलांच्या चांगल्या प्रतिक्रियेमुळे ते चांगल्या प्रकारे व्हिडिओ गेम खेळतात का गेम्समुळे त्यांची प्रतिक्रिया चांगली आहे हे जाणून घेण्याचा प्रयत्न केला जाणार आहे. पुढील अध्ययनात छोटी मुले ऍक्शन गेम्स खेळणे अधिक पसंत का करतात हेही तपासून पाहिले जाणार आहे.