‘मुंबईकर’मध्ये विजय सेतुपति

राष्ट्रीय पुरस्कार विजेता विजय सेतुपति याच्या अभिनयाचे चाहते मोठ्या संख्येत आहेत. शाहिद कपूरसोबत ‘फर्जी’मधील विजय सेतुपतिच्या दमदार अभिनयाने प्रेक्षकांची मने जिंकली होती. विजय सेतुपति आता ‘मुंबईकर’ या हिंदी चित्रपटात झळकणार आहे. हा चित्रपट थेट ओटीटीवर प्रदर्शित होणार आहे. या चित्रपटात विजय सेतुपतिसोबत विक्रांत मेसी आणि रणवीर शौरी यासारखे दमदार कलाकार दिसून येतील. चित्रपटाचे दिग्दर्शन संतोष सिवान यांनी केले आहे. या चित्रपटाचा ट्रेलर सादर करण्यात आला आहे. या चित्रपटाची कहाणी एका गैरसमजावर आधारित असल्याचे या ट्रेलरमध्ये दिसून येते. विजय सेतुपति यात एका गँगस्टरच्या भूमिकेत आहे. या गँगस्टरने एका डॉनच्या मुलाचे अपहरण केल्याचे या ट्रेलरमध्ये दर्शविण्यात आले आहे. या डॉनची भूमिका रणवीर शौरी साकारत आहे. या चित्रपटात सचिन खेडेकर हे पोलीस अधिकाऱ्याच्या भूमिकेत आहेत. या पूर्ण कहाणीत कन्फ्यूजन अन् कॉमेडीचा मोठा डोस दिसून येत आहे. मुंबईकर हा चित्रपट जियो सिनेमावर प्रदर्शित होणार आहे. हा चित्रपट 2 जून रोजी स्ट्रीम होणार आहे. तीन दमदार अभिनेते आणि प्रभावी दिग्दर्शकाचा हा चित्रपट प्रेक्षकांची मने जिंकणारा ठरेल अशी अपेक्षा व्यक्त होत आहे.