शाहरुख खान आणि नयनतारा यांच्यासोबतच्या ‘जवान’मधील विजय सेतुपतिच्या अभिनयाची चर्चा सर्वत्र होत आहे. एटलीच्या दिग्दर्शनात तयार या चित्रपटात त्याने खलनायक साकारला आहे. याचदरम्यान विजय सेतुपतिच्या आगामी चित्रपटाची घोषणा करण्यात आली आहे. या चित्रपटाचे पहिले पोस्टर सादर करण्यात आले आहे. विजय सेतुपतिसाठी आगामी चित्रपट अत्यंत खास आहे, कारण ‘महाराजा’ हा त्याच्या कारकीर्दीतील 50 वा चित्रपट आहे. या पोस्टरमध्ये विजय सेतुपतिचा लुक अत्यंत जबरदस्त आहे. निथिलिन स्वामिनाथन यांच्या दिग्दर्शनात तयार होणाऱ्या ‘महाराजा’च्या पहिल्या पोस्टरमध्ये विजय हा सलुनमधील एका खुर्चीवर बसल्याचे आणि त्याच्या हातात धारदार चाकू दिसून येतो. पोस्टरमध्ये त्याचे पूर्ण शर्ट आणि हात रक्ताने माखलेले दिसून यात. याचबरोबर काही पोलीस त्याच्या मागे दिसून येत आहेत. हे पोस्टर पाहून हा चित्रपट सस्पेन्स थ्रिलर स्वरुपाचा असल्याचे समजते. या चित्रपटात अनुराग कश्यप, नॅटी नटराज आणि ममता मोहनदास हे दिग्गज देखील दिसून येणार आहेत. याचबरोबर विजय हा पॅटरिना कैफसेबत ‘मेरी ख्रिसमस’ चित्रपटाद्वारे प्रेक्षकांच्या भेटीला येणार आहे. हा चित्रपट डिसेंबर महिन्यात प्रदर्शित होणार आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
