भाजपच्यावतीने विठूराया चरणी साकडे
सावंतवाडी/प्रतिनिधी-
सध्या राज्यातील राजकारणात तासा-तासागणिक उलथापालथ होत आहे. शिवसेनेतून बंड करून बाहेर गेलेले एकनाथ शिंदे आणि त्यांच्या सोबतचे एकूण 49 आमदार महाविकास आघाडीतून बाहेर पडण्याची अट शिवसेनाप्रमुख आणि राज्याचे मुख्यमंत्री उद्धव ठाकरे यांना घातली आहे.
याच पार्श्वभूमीवर महाराष्ट्र विधानसभेचे विरोधी पक्ष नेते देवेंद्र फडणवीस राज्याचे मुख्यमंत्री होण्यासाठी त्यांचा मार्ग सुकर व्हावा यासाठी पांडुरंगाचा आशीर्वाद मिळावा याकरिता शुक्रवारी सावंतवाडी शहरातील विठ्ठल मंदिर येथे जिल्हा भाजपच्यावतीने पुरोहितांहस्ते ग्रहयज्ञ तसेच पूजेचा कार्यक्रम करण्यात आला. यावेळी धुंडीराज ऊर्फ बाळू कशाळीकर, प्रसाद भागवत, श्रीपाद कशाळीकर, श्रीकृष्ण कशाळीकर, प्रसाद नाख्ये, आशिष पित्रे आदी पुरोहितांनी धार्मिक विधी केले.
या कार्यक्रमाला भाजपाचे जिल्हाध्यक्ष राजन तेली, आनंद नेवगी, माजी नगराध्यक्ष संछू परब, माजी शहराध्यक्ष संजू शिरोडकर, माजी नगरसेवक सुधीर आडिवरेकर, मंडल अध्यक्ष अजय गोंदावळे, जिल्हा महिला अध्यक्ष संध्या तेरसे, शहर महिला अध्यक्ष मोहिनी मडगांवकर, बंटी पुरोहित, दीपाली भालेकर, दिलीप भालेकर, केतन आजगांवकर, परिचीत मांजरेकर, सुकन्या टोपले आदी उपस्थित होते.