ऑनलाईन टीम / तरुण भारत :
महाराष्ट्र राज्य माध्यमिक आणि उच्च माध्यमिक शिक्षण मंडळातर्फे घेण्यात आलेल्या बारावीच्या परीक्षेचा निकाल उद्या (दि. 25) जाहीर होणार आहे. उद्या दुपारी दोन वाजता बारावीचा निकाल विद्यार्थ्यांना ऑनलाईन पाहता येणार आहे. बोर्डाकडून लवकरच अधिकृतपणे निकालाबाबत माहिती दिली जाणार आहे.
दहावी आणि बारावीच्या परीक्षा ऑफलाईन पद्धतीने घेण्यात आल्या होत्या. त्यामुळे विद्यार्थी आणि पालकांना निकालाची प्रतिक्षा होती. ही प्रतीक्षा आता संपली आहे. उद्या बारावीचा निकाल जाहीर होणार असून, दुपारी 2 वाजता शिक्षण मंडळाच्या अधिकृत संकेतस्थळावर हा निकाल पाहता येईल. निकाल जाहीर झाल्यानंतर 26 मे ते 5 जून पर्यंत विद्यार्थ्यांना गुण पडताळणीसाठी संकेतस्थळावर अर्ज करता येईल. तसेच उत्तर पत्रिकेच्या छायाप्रतीसाठी 26 मे ते 14 जून दरम्यान ऑनलाईन अर्ज विद्यार्थ्यांना करता येणार आहे. विद्यार्थ्यांना 5 जून रोजी गुणपत्रिका महाविद्यालयात मिळणार आहे.
कुठे पाहता येईल निकाल?
बारावीचा निकाल पाहण्यासाठी विद्यार्थ्यांनी https://www.mahahsscboard.in/ या संकेतस्थळाला भेट देणं अपेक्षित असेल. त्यासोबतच mahresult.nic.in, hscresult.mkcl.org आणि mahresults.org.in या लिंकवर जाऊनही विद्यार्थ्यांना आपला निकाल पाहता येईल.
