सावंतवाडी / प्रतिनिधी:
सावंतवाडी ज्येष्ठ नागरिक संघाच्यावतीने देण्यात येणारा सामाजिक कार्यकर्त्या पुरस्कार शिवसेनेच्या महिला तालुकाप्रमुख अपर्णा कोठावळे यांना जाहीर करण्यात आला आहे. याबाबतची संघाने याबाबतची तशी घोषणा केली आहे. त्याचे वितरण लवकरच करण्यात येणार आहे. शुक्रवार दिनांक ०१ ऑक्टोबर २०२१ रोजी जागतिक ज्येष्ठ नागरिक दिन तसेच भारत सरकार मार्फत देशभरातील जेष्ठ नागरिकांच्या विविध समस्या निवारण्यासाठी राष्ट्रीय हेल्पलाईन सर्व राज्यात सुरू करण्यात येणार आहे. या निमित्त संघाच्या विद्यमाने ज्येष्ठ नागरिकांचा मेळावा सकाळी १०.३० वाजता कळसुलकर इंग्लिश स्कूल, सावंतवाडी येथे आयोजित केला आहे.
या मेळाव्या दरम्यान संस्थेतर्फे सामाजिक कार्यकर्ते पुरस्कार अपर्णा कोठावळे यांना देण्यात येत असल्याचे ज्येष्ठ नागरिक संघातर्फे कळवण्यात आले आहे.
