वृत्तसंस्था/ कोलॉन
एटीपी टूरवरील जर्मनीतील कोलॉन येथे सुरू असलेल्या पुरूषांच्या आंतरराष्ट्रीय टेनिस स्पर्धेत कॅनडाच्या फेलिक्स ऑगेर ऍलीसिमेने एकेरीची अंतिम फेरी गाठली आहे. ऍलीसिमेला यापूर्वी विविध पाच स्पर्धेमध्ये अंतिम फेरीत हार पत्करावी लागली होती.
शनिवारी झालेल्या उपांत्य फेरीच्या सामन्यात द्वितीय मानांकित ऍलीसिमेने स्पेनच्या द्वितीय मानांकित ऍग्युटचा 6-3, 1-6, 6-3 असा पराभव केला. दुसऱया उपांत्य लढतीत जर्मनीच्या टॉप सीडेड ऍलेक्झांडेर व्हेरेव्हने स्पेनच्या फॉकीनावर 7-5, 7-6 (7-3) अशी मात करत अंतिम फेरी गाठली. आता ऍलीसिमे आणि व्हेरेव्ह यांच्यात जेतेपदासाठी लढत होईल.