महापुरामुळे काही विद्यार्थी परीक्षेला गैरहजर
प्रतिनिधी /बेळगाव
महाविद्यालय तसेच विद्यापीठांमधील व्याख्याता पदांसाठी घेतली जाणारी के-सेट परीक्षा रविवारी बेळगाव शहरातील विविध केंद्रांवर पार पडली. बेळगाव शहरामध्ये एकूण 9 केंद्रांवर परीक्षा घेण्यात आली.
पावसामुळे जिल्हय़ातील अनेक रस्ते पाण्याखाली असल्याने अनेक विद्यार्थ्यांना या परीक्षेला हजर राहता आले नाही. त्यामुळे विद्यार्थ्यांमधून नाराजी व्यक्त होत होती. सकाळी 9.30 ते 10.30 व सकाळी 11 ते दुपारी 1 या वेळेत दोन पेपर घेण्यात आले. त्यामुळे सकाळपासूनच परीक्षा केंद्रांवर परीक्षार्थींची गर्दी झाली होती.
कोरोना संसर्गामुळे परीक्षा लांबली
के-सेट परीक्षा एप्रिल महिन्यात घेतली जाणार होती. परंतु कोरोनामुळे परीक्षा पुढे ढकलण्यात आली. मागील आठ दिवसांपासून जिल्हय़ासह राज्यात जोरदार पाऊस होत असल्याने परीक्षा होणार की नाही, याबाबत साशंकता होती. परंतु रविवारी परीक्षा पार पडली.
बेळगाव शहरात भरतेश कॉलेज, बेननस्मिथ कॉलेज, बी. के. महाविद्यालय, जैन कॉलेज, आरपीडी कॉलेज, मराठा मंडळ कॉलेज, मिरजी कॉलेज, संगोळ्ळी रायण्णा कॉलेज व पीपल ट्री कॉलेज येथे ही परीक्षा घेण्यात आली.