ऑनलाईन टीम / चंदीगड :
पंजाबमध्ये काल पुन्हा एकदा 3 हजार पेक्षा अधिक रुग्ण आढळून आले. त्यामुळे राज्यात भीतीचे वातावरण निर्माण झाले आहे. गुरुवारी 3,187 नव्या कोरोना रुग्णांची नोंद झाली. तर 60 जणांनी आपला जीव गमावला. त्यामुळे पंजाबमधील कोरोना बाधितांची एकूण संख्या 2 लाख 42 हजार 895 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, कालच्या दिवशी 2,291 रुग्णांना डिस्चार्ज देण्यात आला. तर आतापर्यंत 2,42,895 रुग्णांपैकी 2 लाख 11 हजार 325 रुग्ण कोरोनामुक्त झाले आहेत. तर आतापर्यंत 6 हजार 926 जणांचा कोरोनामुळे मृत्यू झाला आहे.
- 24,644 रुग्णांवर उपचार सुरु
ताज्या आकडेवारी नुसार, पंजाबमध्ये आतापर्यंत जवळपास 59 लाख 72 हजार 667 टेस्ट करण्यात आल्या आहेत. सद्य स्थितीत 24 हजार 644 रुग्णांवर विविध रुग्णालयात उपचार सुरू आहेत. त्यातील 334 रुग्णांना अक्सिजन सपोर्टवर ठेवण्यात आले आहे. तर 33 जण व्हेंटिलेटरवर आहेत.
