प्रतिनिधी/शिरोळ
येथील शतायु हॉस्पिटल हे अल्पावधीतच लोकप्रिय हॉस्पिटल ठरले असून या परिसरातील रुग्णांना वरदायी ठरले आहे अन्य खाजगी हॉस्पिटलच्या व्यवस्थापकांनी या कामी पुढे यावे असे आवाहन जिल्हाधिकारी दौलत देसाई यांनी केले.
येथील शतायु हॉस्पिटल येथे कोरोना पॉझिटिव्ह रुग्ण यांच्यावर उपचार करण्याकरिता ऑक्सिजन आणि व्हेंटिलेटर असे बेड व उपचारासाठी लागणारी सर्व यंत्रणा तयार करण्यात आली आहेत याचे उद्घाटन माजी आमदार उल्हास पाटील यांच्या हस्ते जिल्हाधिकारी दौलत देसाई यांच्या अध्यक्षतेखाली नुकतेच करण्यात आले. त्याप्रसंगी ते बोलत होते.
प्रारंभी उपस्थितांचे स्वागत डॉ विशाल चौगुले यांनी करून हॉस्पिटलच्या प्रगतीचा आढावा सांगितले. यावेळी बोलताना जिल्हाधिकारी देसाई म्हणाले, क्रिटिकल रुग्णांच्यावर येथे उपचार होतील. हॉस्पिटलचे डॉक्टर व त्यांच्या सर्व कर्मचाऱ्यांचे त्यांनी अभिनंदन केले.
शतायु हॉस्पिटल मध्ये दहा बेडची व्यवस्था करण्यात आली आहे. या कार्यक्रमास गोकुळचे माजी अध्यक्ष दिलीपराव पाटील तहसीलदार अपर्णा मोरे धुमाळ ,गट विकास अधिकारी शंकर कवितके ,डॉ. राहुल खोत, डॉ सुशांत पाटील ,डॉ वीरेंद्र भोसले , डॉ कुलभूषण चौगुले यांच्यासह मान्यवर उपस्थित होते.