ऑनलाईन टीम / मुंबई :
महाराष्ट्रात गेल्या 24 तासात 122 पोलिसांना कोरोनाची लागण झाली तर 2 जणांनी आपला जीव गमावला आहे. तर आतापर्यंत 14 हजार 189 पोलिसांना कोरोनाची बाधा झाली आहे. तर आतापर्यंत 144 पोलिसांनी आपला जीव गमावला आहे. त्यामुळे पोलिसांमध्ये सध्या भीतीचे वातावरण निर्माण झाले आहे.
मिळालेल्या माहितीनुसार, आतापर्यंत आढळलेल्या 14,189 कोरोनाबाधित पोलिसांमध्ये 1517 पोलीस अधिकारी आणि 12,672 कर्मचाऱ्यांचा समावेश आहे. तर आतापर्यंत 11 हजार 423 पोलीस कर्मचाऱ्यांनी कोरोनावर यशस्वीरित्या मात केली असून त्यांना घरी सोडण्यात आले आहे. यामध्ये 1155 पोलीस अधिकारी आणि 10,268 पोलीस कर्मचाऱ्यांचा समावेश आहे.
सद्यस्थितीत राज्यात 2622 कोरोनाबाधित पोलीस कर्मचाऱ्यांवर विविध रुग्णालयात उपचार सुरु आहेत. यामध्ये 347 पोलीस अधिकारी आणि 2275 पोलीस कर्मचाऱ्यांचा समावेश आहे. तर आतापर्यंत कोरोनामुळे 144 जणांचा मृत्यू झाला आहे. यामध्ये 15 पोलीस ऑफिसर आणि 129 पोलीस कर्मचाऱ्यांचा समावेश आहे.
