प्रतिनिधी / श्रीनगर
जम्मू काश्मीरमधील पुलवामा येथील त्राल मुख्य बसस्थानकावर दहशतवाद्यांनी स्फोट घडवून आणला आहे. केंद्रीय राखीव पोलीस दलाकडून मिळालेल्या माहितीवरुन स्पष्ट झाले आहे. या हल्ल्यात 7 नागरिक जखमी झाले आहेत. जखमींना प्राथमिक उपचारासाठी जवळच्या रुग्णालयात दाखल करण्यात आले आहे.
दहशतवाद्यांनी हा हल्ला ग्रेनेडने केला आहे. यामध्ये ग्रेनेडचा हवेतच स्फोट घडवून आणला आहे. मात्र झालेल्या हल्ल्यामुळे नागरिकांमध्ये घबराटीचं वातावरण आहे. या हल्लेखोरांचा शोध पोलीस घेत आहेत. तसेच हा परिसर रिकामा केला असून शोध सुरू आहे. त्रालच्या बस स्थानकानजीक ग्रेनेडची पिन सापडली असल्याने हा स्फोट ग्रेनेडमुळे झाल्याचा संशय अधिक बळावला आहे.