जिल्हा प्रशासनातर्फे बसव जयंती साधेपणाने साजरी

बेळगाव : जिल्हा प्रशासन व कन्नड आणि सांस्कृतिक विभाग यांच्यावतीने शुक्रवारी बसव जयंती साधेपणाने साजरी करण्यात आली. गोवावेस बसवेश्वर सर्कल येथील बसवेश्वरांच्या मूर्तीला जिल्हाधिकारी एम. जी. हिरेमठ व अधिकाऱयांनी मालार्पण केले. याप्रसंगी जिल्हा पंचायतचे मुख्य कार्यकारी अधिकारी दर्शन एच. व्ही., महानगरपालिका आयुक्त जगदीश के. एच., प्रांताधिकारी रविंद्र करलिंगण्णावर, कन्नड आणि सांस्कृतिक खात्याच्या साहाय्यक संचालिका विद्यावती बजंत्री उपस्थित होत्या.