ऑनलाईन टीम / मुंबई :
महाराष्ट्र राज्याचे माजी मुख्यमंत्री आणि विरोधी पक्ष नेते देवेंद्र फडणवीस यांना कोरोनाची लागण झाली आहे. त्यांनी स्वतः ट्विट करत याबाबत माहिती दिली.
ते आपल्या ट्विटमध्ये म्हणाले की, लॉकडाऊन सुरू झाल्यापासून आलेला प्रत्येक दिवस हा कार्यरत राहण्यात गेला. पण आता काही काळ विश्रांती घेतली पाहिजे, असा संकेत दिसतो.
माझी कोविड चाचणी पॉझिटिव्ह आली असून मी स्वतःला आयसोलेट केले आहे. डॉक्टरांच्या सल्ल्यानुसार औषधोपचार घेतो आहे. तसेच माझ्या संपर्कात आलेल्यांनी स्वतःची चाचणी करून घ्यावी. सर्वांनी स्वतःची काळजी घ्यावी!, असे आवाहन ही त्यांनी यावेळी केले आहे.
दरम्यान, देवेंद्र फडणवीस यांनी नुकताच पश्चिम महाराष्ट्र, बारामती, उस्मानाबाद, लातूर दौरा केला होता. तसेच बिहार निवडणुकीसाठी त्यांनी प्रचार दौरे देखील केले होते. त्यामुळेच त्यांना कोरोनाची लागण झाली असल्याची चर्चा आहे.
