प्रतिनिधी/ निपाणी
निपाणी बसवेश्वर पोलीस ठाण्याच्या उपनिरीक्षकपदी अनिता राठोड यांनी गुरुवारी एएसआय आर. जे. कुंभार यांच्याकडून पदभार स्वीकारला.
गेल्या तीन महिन्यांहून अधिककाळ निपाणी बसवेश्वर पोलीस ठाण्याचे उपनिरीक्षक पद रिक्त होते. आता या पदासाठी अनिता राठोड यांची नियुक्ती झाली आहे. त्यामुळे समाधान व्यक्त होत आहे.
उपनिरीक्षक अनिता राठोड यांनी यापूर्वी प्रशिक्षित उपनिरीक्षक म्हणून निपाणी व चिकोडी येथे काम केले आहे. त्यामुळे त्यांना या अनुभवाचा येथे उपयोग होणार आहे. यावेळी अनिता राठोड यांचे एएसआय आर. जे. कुंभार यांनी बुके देऊन स्वागत केले. यावेळी हवालदार एस. एम. सनदी, ए. एन. रजपूत, आर. वाय. मेळगरे, एम. ए. तेरदाळ आदी कर्मचारी उपस्थित होते.