ऑनलाईन टीम / चंदीगड :
पंजाबमध्ये कोरोनाचा प्रादुर्भाव वेगाने वाढत आहे. पंजाबमध्ये कोरोना रुग्णांनी 15 हजार आकडा पार केला आहे. त्यामुळे पंजाबमध्ये चिंता वाढली असून भीतीचे वातावरण निर्माण झाले आहे. राज्यात गेल्या 24 तासात 511 नव्या कोरोना रुग्णांची नोंद झाली. त्यामुळे पंजाबमधील कोरोना बाधितांची एकूण संख्या 15 हजार 456 वर पोहचली आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, पंजाबमधील एकूण 15,456 रुग्णांपैकी 10 हजार 509 रुग्ण कोरोनामुक्त झाले आहेत. तर आतापर्यंत 370 जणांचा कोरोनामुळे मृत्यू झाला आहे.
ताज्या आकडेवारी नुसार, पंजाबमध्ये आतापर्यंत जवळपास 5 लाख 72 हजार 068 टेस्ट करण्यात आल्या आहेत. सद्य स्थितीत 4577 रुग्णांवर विविध रुग्णालयात उपचार सुरू आहेत. त्यातील 135 रुग्णांना अक्सिजन सपोर्टवर ठेवण्यात आले आहे. तर 18 जण व्हेंटिलेटरवर आहेत.
