ऑनलाईन टीम / चंदीगड :
पंजाबमध्ये दररोज दोन ते तीन हजारच्या टप्प्यात रुग्ण संख्या वाढत आहे. त्यामुळे राज्यात भीतीचे वातावरण निर्माण झाले आहे. त्यातच मागील 24 तासात 3,173 नव्या कोरोना रुग्णांची नोंद झाली. तर 59 जणांनी आपला जीव गमावला. त्यामुळे पंजाबमधील कोरोना बाधितांची एकूण संख्या 2 लाख 26 हजार 059 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, कालच्या दिवशी 1,816 रुग्णांना डिस्चार्ज देण्यात आला. तर आतापर्यंत 2,26,059 रुग्णांपैकी 1 लाख 96 हजार 831 रुग्ण कोरोनामुक्त झाले आहेत. तर आतापर्यंत 6 हजार 576 जणांचा कोरोनामुळे मृत्यू झाला आहे.
- 22,652 रुग्णांवर उपचार सुरु
ताज्या आकडेवारी नुसार, पंजाबमध्ये आतापर्यंत जवळपास 57 लाख 82 हजार 674 टेस्ट करण्यात आल्या आहेत. सद्य स्थितीत 22 हजार 652 रुग्णांवर विविध रुग्णालयात उपचार सुरू आहेत. त्यातील 304 रुग्णांना अक्सिजन सपोर्टवर ठेवण्यात आले आहे. तर 25 जण व्हेंटिलेटरवर आहेत.
