ऑनलाईन टीम / चंदीगड :
पंजाबमध्ये मागील 24 तासात 726 नव्या कोरोना रुग्णांची नोंद झाली. तर 20 जणांचा मृत्यू झाला. त्यामुळे पंजाबमधील कोरोना बाधितांची एकूण संख्या 1 लाख 54 हजार 788 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, काल 643 रुग्णांना डिस्चार्ज देण्यात आला. तर आतापर्यंतच्या एकूण 1,54,788 रुग्णांपैकी 1 लाख 42 हजार 121रुग्ण कोरोनामुक्त झाले आहेत. तर आतापर्यंत 4 हजार 882 जणांचा कोरोनामुळे मृत्यू झाला आहे.
ताज्या आकडेवारी नुसार, पंजाबमध्ये आतापर्यंत जवळपास 32 लाख 95 हजार 141 टेस्ट करण्यात आल्या आहेत. सद्य स्थितीत 7 हजार 785 रुग्णांवर विविध रुग्णालयात उपचार सुरू आहेत. त्यातील 163 रुग्णांना अक्सिजन सपोर्टवर ठेवण्यात आले आहे. तर 09 जण व्हेंटिलेटरवर आहेत.
