ओटवणे /प्रतिनिधी-
पुणे येथील श्रीकर वर्ल्ड फाउंडेशन या सेवाभावी संस्थेमार्फत ओटवणे व सरमळे गावातील पूरग्रस्त कुटुंबांना जिवनावश्यक वस्तूंचे वितरण करण्यात आले. यावेळी सतरंजी, चादर, टॉवेल, खाद्यपदार्थ वस्तूंचे पूरग्रस्तांना वितरण करण्यात आले.
यावेळी संस्थेचे कोकण विभाग समन्वयक रघुनाथ सावंत, हरिष सावंत, प्रल्हाद जामनेकर, सुयोग जाधव, आशिष नाईक, आयुष नाईक आदी उपस्थित होते. यावेळी पूरग्रस्तांची या संस्थेचे आभार मानले. श्रीकर वर्ल्ड फाउंडेशन संस्थेने यापूर्वी रायगड जिल्ह्यातील महाड येथेही कपडे, चपला आदी धान्यादी जीवनावश्यक वस्तुंचे वितरण केले आहे.