वार्ताहर / सावंतवाडी:
सावंतवाडी शहरातील नीलिमा खानविलकर आणि शालिनी सावंत या दोन वृद्ध महिलांच्या खूनप्रकरणात चौकशीसाठी बोलावल्याने दुसऱ्यांदा बेपत्ता झालेल्या तरुणाला अखेर सावंतवाडी पोलिसांनी शुक्रवारी रात्री ठाणे येथून ताब्यात घेतले आहे. त्याला शनिवारी सावंतवाडी येथे आणण्यात आले. पोलीस त्याची कसून चौकशी करत आहेत. या प्रकरणाचे गूढ त्याच्याभोवती फिरत आहे. त्यामुळे त्याच्या जबानीनंतरच या प्रकरणाचे गूढ उकलण्याची शक्यता आहे.
