कोरोना विरोधात नवे अस्त्र – नेदरलँडमध्ये वापर सुरू – अमेरिकेत मागितली मंजुरी
वृत्तसंस्था / हेग
कोरोना विषाणूबाबत अनेक देशांमध्ये संशोधन सुरू आहे. संसर्गाचा योग्यवेळी थांगपत्ता लागावा आणि उत्तम उपचार मिळावेत याकरता प्रतिदिन काही नव्या गोष्टी विकसित केल्या जात आहेत. आता एका कंपनीने असा ब्रेथ ऍनलायजर तयार केला आहे, जो कुणा व्यक्तीच्या श्वासाला तपासूनच कोरोना पॉझिटिव्ह किंवा निगेटिव्ह असल्याचे निदान करणार आहे.
डच कंपनी ब्रेथोमॅक्सकडून तयार करण्यात आलेला स्पिरोनोज श्वासावर आधारित कोरोना टेस्ट आहे. मे महिन्यात सिंगापूरच्या आरोग्य यंत्रणेने ब्रेथोमॅक्स आणि सिल्वर फॅक्ट्री टेक्नोलॉजीकडून तयार करण्यात आलेल्या दोन श्वसन आधारित चाचण्यांना तात्पुरती मंजुरी दिली आहे.
कोविड-19 बेथ ऍनायजरच्या आपत्कालीन मान्यतेसाठी अमेरिकन फूड अँड ड्रग ऍडमिनिस्ट्रेशनकडे अर्ज केल्याची माहिती ओहियो स्टेट युनिव्हर्सिटीच्या संशोधकांनी दिली आहे. श्वासाद्वारेच कोरोना पॉझिटिव्ह किंवा निगेटिव्ह असल्याचा निष्कर्ष काढता येत असल्याचे आता स्पष्ट झाल्याचे उद्गार इंग्लंडमधील लाफबॉरो विद्यापीठातील तज्ञ पॉल थॉमस यांनी काढले आहेत.
वैज्ञानिक दीर्घकाळापासून एखाद्या व्यक्तीच्या केवळ श्वसनापासून आजाराचा थांगपत्ता लावता येईल अशा पोर्टेबल उपकरणाच्या शोधात होते. स्क्रीनिंग पेनलेस करण्याचे स्वप्न पूर्ण करणे आव्हान ठरले होते, कारण विविध आजारांमध्येही श्वासात झालेले बदल एकसारखे असू शकतात. आहार देखील श्वसनात बदल घडवून आणू शकतो. धूम्रपान किंवा मद्यपान करणाऱया लोकांमध्ये श्वसनाद्वारे आजाराचा शोध लावणे अवघड ठरू शकते. तरीही वैज्ञानिकांनी सेंसर टेक्नॉलॉजी, मशीन लर्निंग आणि निरंतर संशोधनाच्या माध्यमातून कोरोनाचे निदान करण्यासाठी बेथ ऍनालायजर विकसित केला आहे.
श्वसनाची बायोलॉजी
माणसाचे श्वसन अत्यंत अधिक गुंतागुंतीचे असते. जेव्हा आपण उच्छ्वास करतो तेव्हा आपण शेकडो वायू बाहेर टाकत असतो, ज्यांना व्होलाटाइल ऑर्गेनियक कम्पाउंड्स किंवा व्हीओसीज म्हटले जाते. हे सर्व वायू सेल्युलर मेटाबॉलिज्म डायजेशन आणि श्वास घेण्यास त्रास होतो. रोग या प्रक्रियांना बाधित करू शकतो, यामुळे व्हीओसीजमध्ये बदल होऊ शकतो.
ब्रीदिंग पॅटर्न
आधुनिक तंत्रज्ञान केमिकल चेंजेसला डिटेक्ट करू शकते आणि मशीन लर्निंग एल्गोरिदम ब्रीदिंग पॅटर्नच्या नमुन्यांमध्ये झालेल्या बदलांमुळे आजाराचा थांगपत्ता लावू शकते. मागील काही वर्षांमध्ये वैज्ञानिकांनी लंग कॅन्सर, यकृताचा आजार, टय़ूबरक्लोसिस, अस्थमा, पोटाचे विकार यासारख्या अन्य स्थितींसाठी या तंत्रज्ञानाचा वापर केला होता.