ऑनलाईन टीम / मुंबई :
महाराष्ट्रात मागील काही दिवसांपासून कोरोना रुग्णांच्या घट होताना दिसत असतानाच कालच्या दिवशी रुग्ण संख्येत कोरोनामुक्त रुग्णांपेक्षा नवे रुग्ण अधिक आढळून आले आहेत. राज्यात मागील 24 तासात 24 हजार 752 नवीन कोरोनाबाधित आढळले असून, 453 रूग्णांचा मृत्यू झाला आहे. तर 23 हजार 065 रुग्णांना डिस्चार्ज देण्यात आला आहे.
राज्यात आजपर्यंत एकूण 52 लाख 41 हजार 833 कोरोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण 92.76 टक्के इतके झाले आहे. सध्या राज्यातील मृत्यूदर 1.62 टक्के एवढा आहे.
दरम्यान, आजपर्यंत तपासण्यात आलेल्या 3,38,24,959 प्रयोगशाळा नमुन्यांपैकी 56,50,907 (16.71 टक्के) नमुने पॉझिटिव्ह आले आहेत. सध्या राज्यात 23,70,326 व्यक्ती होमक्वारंटाईनमध्ये आहेत तर 19,943 व्यक्ती संस्थात्मक क्वारंटाईनमध्ये आहेत. राज्यात सद्य स्थितीत 3 लाख 150 हजार 042 ॲक्टिव्ह रुग्ण आहेत.
