नवी दिल्ली : तंत्रज्ञान क्षेत्रातील दिग्गज कंपनी मायक्रोसॉफ्ट यांनी तेलंगणात सर्वात मोठे डाटा केंद्र स्थापन करण्याचा निर्णय घेतला आहे. यासंदर्भात तेलंगणा राज्य सरकारबरोबर कंपनी चर्चा करत असल्याचे समजते. सदरच्या केंद्रात अंदाजे 2 अब्ज डॉलर्सची गुंतवणूक केली जाणार असल्याचे सांगितले जात आहे. जर का चर्चा यशस्वी झाली तर अमेरिकेबाहेर केली जाणारी ही सर्वात मोठी गुंतवणूक ठरणार असल्याचे कंपनीने म्हटले आहे. तेलंगणाचे आयटी आणि उद्योग मंत्री के. टी. रामाराव यांनी काही महिन्यांपूर्वी मायक्रोसॉफ्टच्या वरिष्ठांशी यासंदर्भातच चर्चा केली होती, असे समजते.
