नवी दिल्ली
मारुती सुझुकी कंपनीने आपल्या स्वीफ्टसह सीएनजीवर आधारित मोटारींच्या किमती 15 हजार रुपयांनी वाढवल्या आहेत. अंतर्गत खर्चात झालेल्या वाढीमुळे कंपनीला सदरची दरवाढ करावी लागते आहे. सदरची वाढ ही सोमवार दि. 12 जुलैपासून अंमलात येत असून ही वाढ तिसऱयांदा करण्यात आली आहे. इतर कार मॉडेल्सच्या किमती वाढवण्याचा विचार केला जात असल्याचे कंपनीने सांगितले आहे. स्वीफ्टची दिल्लीतील किंमत 5.73 लाख ते 8.27 लाख रुपये तर सीएनजीवरील आल्टो, सेलेरियो, एसप्रेसो, वॅगनआर, इको व अर्टिगा यांची किंमत 4.43 लाख ते 9.36 लाख रुपये इतकी आहे.