ऑनलाईन टीम / मुंबई :
मुंबई-पुणे द्रुतगती मार्गाच्या खोपोलीजवळ बोरघाटात मुंबईकडे जाणाऱ्या लेनवर आज सकाळी भीषण अपघात झाला. या अपघातात दोन जण जागीच ठार झाले आहेत. या अपघाताने वाहतूक विस्कळीत झाली आहे.
मिळालेल्या माहितीनुसार, खोपोलीजवळ बोरघाटात मुंबईकडे जाणाऱ्या लेनवर मुंबईकडे येणाऱ्या कंटेनरने कारला भीषण धडक दिली. या धडकेनंतरही त्यापाठोपाठ आणखी दोन वाहनं येऊन धडकली. या अपघातात दोघे जण जागीच ठार झाले आहेत. हे दोघे जण कोण होते याची ओळख अद्याप पटली नाही आहे.
दरम्यान, या घटनेमुळे मुंबईकडे जाणारी वाहतूक पूर्णपणे ठप्प झाली असून वाहनाच्या लांबच लांब रांगा लागल्या आहेत.त्यामुळे पोलिसांकडून वाहतूक सुरळीत करण्याचे काम सुरु आहे.