प्रतिनिधी / कुरुंदवाड
कोरोनाचा रोगप्रसार कमी होत असल्याने शाळा आणि महाविद्यालये सुरू झाली आहेत. शिरोळ तालुक्यातील कुरुंदवाड, शिरोळ, जयसिंगपूरातील शाळा, महाविद्यालयांना जाणा-येण्यासाठी परीसरातील अनेक गावामधून मोठ्या प्रमाणात विद्यार्थी येत असतात. त्यांच्या प्रवासाची गैरसोय मोठया प्रमाणावर होत आहे. हि बाब युवासेनेच्या निदर्शनास येताच त्यांनी तात्काळ कुरुंदवाडचे आगार व्यवस्थापक दयानंद पाटील यांचेकडे युवासेनेचे युवा तालुका अधिकारी प्रतिक धनवडे यांच्या नेतृत्वाखाली कार्यकर्त्यांनी विद्यार्थ्यांच्या सोईसाठी बससेवा सुरु करण्याचे निवेदन देण्यात आले आहे.
यावेळी युवासेनेचे तालुका समन्वयक निलेश तवंदकर, उप तालुका अधिकारी मंगेश पाटील,श्रेणिक माने, आकाश थरपट्टी, अमोल पाटील, मल्हार कुलकर्णी, अनिल खाडे, प्रतिक पाटील, आदित्य पाटील, ऋषिकेश चव्हाण, अभय पाटील व परिसरातील युवासैनिक उपस्थित होते.