शिवसेनेने केला होता विरोध, मतदानादरम्यान एका सेना नगरसेवकाने ठरावाच्या बाजुने केले मतदान
प्रतिनिधी/खेड
खेड नगरपरिषदेच्या एकविरा नगर येथील दवाखान्यात कोविड सेंटर चालवण्याच्या महत्त्वपूर्ण निर्णयाला ऑनलाईन सर्वसाधारण सभेत शिवसेना नगरसेवकांनी विरोध दर्शविला. मतदानादरम्या शिवसेनेच्या एका नगरसेवकाने ठरावाच्या बाजुने मतदान केल्याने झालेल्या समसमान मतांमुळे नगराध्यक्ष वैभव खेडेकर यांनी विशेषाधिकार वापरत हा ठराव मंजूर करून घेतला. यामुळे कोविड सेंटरमध्ये २० ते २५ रूग्णांवर उपचार होण्यास मदत होणार आहे.
कोरोनाच्या वाढत्या प्रादुर्भावानंतर शहरातही कोरोनाने थैमान घातले. गेल्या तीन महिन्यात कोरोनाचे सर्वाधिक रुग्ण आढळले असून अनेक रूग्णांचा कोरोनाने मृत्यूही झाला आहे. यापार्श्वभूमीवर गेल्या अनेक वर्षांपासून नगरपरिषदेच्या मालकीच्या दवाखान्याचा वापर कमी प्रमाणातच होत होता. कोरोनाच्या संकटामुळे याठिकाणी कोविड सेंटर उभारण्याचा महत्वाकांक्षी निर्णय नगराध्यक्ष वैभव खेडेकर यांनी घेतला.
मात्र, या निर्णयाला शिवसेनेच्या नगरसेवकांनी विरोध दर्शविल्यानंतर मतदान घेण्यात आले. मतदानादरम्यान , शहर विकास आघाडी व शिवसेना यांची मते समसमान झाली. शिवसेनेच्या एका सदस्याने शहर विकास आघाडीच्या बाजुने मतदान केले. याचवेळी नगराध्यक्ष नगराध्यक्ष वैभव खेडेकर यांनी नगराध्यक्षांना असलेला विशेषाधिकार वापरून कोगिड सेंटरचा ठराव मंजूर करून घेतला. नगरपरिषद दवाखान्यात सुरू होणाऱ्या कोविड सेंटर अद्ययावत सोयीसुविधा उपलब्ध करण्यात आल्या असून पूर्ण क्षमतेने रूग्णांवर उपचार देखील होणार आहेत. उपमुख्यमंत्री अजित पवार व बंधन बँक यांच्या माध्यमातून नगरपरिषदेस कार्डियाक रूग्णावाहिका उपलब्ध झाली असून ही सेवा पुरवण्यासाठी एखाद्या खासगी संस्थेला जबाबदारी देण्याचा ठरावही सभेत मंजूर करण्यात आला. खासदार सुनील तटकरे युवा मंचकडून नगरपरिषदेस प्राप्त झालेल्या रूग्णवाहिकेचा दर ठरवाणे व शुल्क निश्चित करणे, रुग्णवाहिका कार्यक्षेत्र, राष्ट्रवादी पक्षाचे चिन्ह व फोटोबाबत चर्चा करून हा निर्णय घेण्यात आला.
शहरातील भटक्या कुत्र्यांचे निर्बिजीकरण करण्याचा निर्णयही सभेत घेण्यात आला. नगररचना योजना अंमलबजावणी करणे, याकामी येणाऱ्या खर्चास मान्यता दाण्याबाबतही निर्णय घेण्यात आला. या विषयासह अन्य महत्वपूर्ण विषयावरही चर्चा करण्यात आली.
Archana Banage
Archana Bange, a seasoned journalist with four years of experience, has made a notable impact in the field of journalism. She pursued her journalism studies at Shivaji University, Kolhapur, and began her career at Daily Sakal. Currently, Archana is a valued member of the Dainik Tarun Bharat group, where she focuses on reporting local news from the districts of Kolhapur, Sangli, Satara, Sindhudurg, and Ratnagiri in Western Maharashtra. Her expertise extends to various topics, including politics, breaking news, food, lifestyle, tourism, blogs, health, web stories, and captivating human interest stories.
Add A Comment
