सी सी कॅमेऱ्यात बिबट्याची हालचाल कैद
प्रतिनिधी / संगमेश्वर
भक्ष्याच्या शोधात बिबटया मानवी वस्तीत घुसू लागले आहेत. मुंबई गोवा महामार्गावर धामणी येथे बिबट्या वाघ भक्ष्य शोधण्याच्या नादात चक्क पेट्रोल पंपात शिरला. पेट्रोल पंपाच्या बाहेर झोपलेल्यांच्या अंगावर वाघ पडल्याने बिबट्यासह सर्वांची धावपळ झाली. आरडाओरड झाल्यावर बिबट्याने तेथुन जंगलात धूम ठोकली.
पहाटेच्या दरम्याने झालेली ही घटना कॅमेऱ्यात कैद झाली आहे. सोशल मीडियावर याचीच सर्वत्र जोरदार चर्चा सुरू झाली आहे.