प्रतिनिधी / संगमेश्वर
केंद्र सरकारने केलेल्या पेट्रोल व डिझेल दरवाढीच्या विरोधात संगमेश्वरमध्ये निषेधाचे फलक आणि घोषणा बाजी करत केंद्र शासनाचा जाहीर निषेध व्यक्त करण्यात आला.
संगमेश्वर बाजारपेठेत निषेध घोषणाबाजी करत रॅली काढण्यात आली. शिवसेना नावडी जिल्हा परिषद गटातर्फे केंद्र सरकारच्या विरोधात पेट्रोल, डिझेल, गॅसवाढ विरोधात जि. प. सदस्या माधवी गीते यांच्या नेतृत्वाखाली केंद्र सरकारचा निषेध करण्यात आला. त्यावेळी उपस्थित विभाग प्रमुख संजय खातु, राजू साळवी, उपविभाग प्रमुख आतिष पाटणे, महिला उपतालुका प्रमुख मनिषा बने, पंचायत समिती सदस्य वेदांती पाटणे ,विभाग प्रमुख नम्रता शेटये, वांद्री सरपंच नागवेकर, कोलंबे सरपंच पडवल, शाखा प्रमुख संजय कदम, राजेश हलदणकर, गोविंद जाधव व नावडी गटातील शिवसैनिक मोठ्या संख्येने उपस्थित होते.