वृत्तसंस्था/ माँटे कार्लो
रशियाचा द्वितीय मानांकित पुरूष टेनिसपटू डॅनिल मेदव्हेदेव याला कोरोनाची लागण झाल्याने येथे सुरू होणाऱया माँटे कार्लो मास्टर्स टेनिस स्पर्धेतून त्याने माघार घेतली आहे.
25 वर्षीय मेदव्हेदेवची कोरोना चाचणी घेण्यात आली आणि तो पॉझिटिव्ह असल्याचे आढळून आले. आता काही दिवसांसाठी त्याला आयसोलेशनमध्ये रहावे लागणार आहे. कोरोनाची बाधा झाल्याने त्याने माँटे कार्लो स्पर्धेतून माघार घेतली आहे. या स्पर्धेत आता मेदव्हेदेवच्या जागी अर्जेंटिनाच्या लॉनडेरोचा समावेश करण्यात आल्याची माहिती स्पर्धां आयोजकांनी दिली आहे.