भगवान काटे, प्रा. जालंदर पाटील बाजार समितीवर का बोलत नाहीत ?
प्रतिनिधी / कोल्हापूर
दूध दरवाढीसाठी आंदोलन करून दूध उत्पादकांच्या हितापेक्षा दूध संघ वाल्यांचे हित पाहणारे माजी खासदार राजू शेट्टी हे दूध संघवाल्यांचे पंटर आहेत. अशा शब्दात शेतकरी संघटनेचे प्रदेशाध्यक्ष रघुनाथदादा पाटील यांनी रविवारी पत्रकार परिषदेत टीका केली. तसेच शेतकरी नेते असणारे व बाजार समितीचे आजी-माजी संचालक भगवान काटे व प्रा.जालंदर पाटील हे बाजार समितीच्या कारभारावर का बोलत नाहीत, असा सवाल ही त्यांनी उपस्थित केला.
कोल्हापूर शेती उत्पन्न बाजार समितीच्या मल्टिपर्पज हॉल येथे शेतकरी संघटनेच्या पदाधिकारी व कार्यकर्ते यांच्या बैठकी नंतर आयोजित पत्रकार परिषदेत ते बोलत होते. यावेळी माणिक शिंदे, खंडेराव घाटगे आदी उपस्थित होते.