प्रतिनिधी / सातारा
गेली सतरा वर्षे गर्भधारणापूर्व व प्रसवपूर्व गर्भलिंग निदान प्रतिबंधक कायदा महाराष्ट्रासह देशात चालवण्यासाठी ऍड. वर्षा देशपांडे यांनी पुढाकार घेतला. या क्षेत्रातील त्यांचा प्रदीर्घ अनुभव यांची नोंद राष्ट्रीय स्तरावर घेण्यात आली. यामुळे सोनोग्राफी मशीन नष्ट करण्याच्या संदर्भातील नियम करण्याचा निर्णय भारत सरकारच्या आरोग्य आणि कुटुंब कल्याण मंत्रालयाने घेतला आहे. यासाठी गठीत करण्यात आलेल्या राष्ट्रीय समितीवर ऍड. वर्षा देशपांडे यांची नियुक्ती करण्यात आली आहे. या समितीवर निवडण्यात आलेल्या सर्व सदस्यांपैकी वर्षा देशपांडे या एकमेव अशासकीय सदस्य आहेत.