ओटवणे / प्रतिनिधी-
चराठा ग्रामपंचायतने सुरू केलेल्या विलगीकरण कक्षासाठी लुपिन फाउंडेशन या संस्थेकडून कोविड प्रतिबंधात्मक अत्यावश्यक साधनांचे वितरण करण्यात आले.
या संस्थेकडून पाच पि पि इ किट, तीन थर्मल गन, तीन ऑक्सीमिटर आणि इतर आरोग्यविषयक साहित्य लुपिन फाऊंडेशनचे कार्यक्रम अधिकारी महेशकुमार चव्हाण यांनी चराठे सरपंच रघुनाथ वाळके यांच्याकडे दिली. यावेळी सरपंच रघुनाथ वाळके यांनी लुपिन फाऊंडेशनचे संस्थेचे आभार मानले.
यावेळी ग्राम विकास अधिकारी एस डी पेडणेकर, तंटामुक्ती अध्यक्ष रामचंद्र कुबल, ग्रामपंचायत सदस्य मिनाक्षी जाधव, पोलिस पाटील, आरोग्य सेवक व ग्रामस्थ उपस्थित होते.