दुष्काळी भागातील तलाव भरण्याची होत आहे मागणी
प्रतिनिधी / सांगली :
सांगली जिल्ह्यातील वारणा आणि कृष्णा खोऱ्यातील धोम, उरमोडी, तारळी, पाटगाव ही धरणे पन्नास टक्के भरली आहेत. धरण पाणलोट क्षेत्रात कोसळधारा सुरु आहेत व सर्वच धरणात पाणी आवक चांगली होते आहे दरम्यान कोयना, वारणेसह, दूधगंगा, राधानगरी, उरमोडी, तूळशी पाटगाव येथून विसर्ग सुरु करणेत आला आहे.
वारणा, कृष्णा या नद्या दूथडी भरुन वाहत असल्या तरी पात्रात आहेत. जोडीला महाराष्ट्र-कर्नाटक उच्यस्तरीय मंत्री चर्चा सफल झाली आहे व संवाद व समन्वय ठेवून नद्यांच्या पाणीपातळीचे व्यवस्थापन केले जाते आहे. पहिल्याच दमदार पावसाने नदीकाठी शेतकरी आनंदला आहे. पेरण्याही बहुतांश पूर्ण झाल्या आहेत दरम्यान दुष्काळी जत आटपाडी, कवठेमहांकाळ सांगोला, भागातील तलाव भरुन ठेवावेत तसेच उमदी, जालीहाळसाठी कर्नाटककडून पाणी घ्यावे अशी मागणी होते आहे.
जिल्ह्यातील वारणा धरणात आज सकाळी 8 वाजेपर्यंत 16.90 टीएमसी पाणीसाठा असून या धरणाची साठवण क्षमता 34.40 टीएमसी इतकी असल्याचे जलसंपदा विभागाने कळविले आहे.
विविध धरणातील पाणीसाठा व साठवण क्षमता कंसात टीएमसी प्रमाणात पुढीलप्रमाणे :
कोयना | 37.92 (105.25) |
धोम | 5.41 (13.50) |
कन्हेर | 3.33 (10.10) |
दूधगंगा | 9.8 (25.40) |
राधानगरी | 2.84 (8.36) |
तुळशी | 1.81 (3.47) |
कासारी | 1.02 (2.77) |
पाटगांव | 1.79 (3.72) |
धोम बलकवडी | 0.96 (4.08) |
उरमोडी | 6.42 (9.97) |
तारळी | 3.15 (5.85) |
अलमट्टी | 38.42 (123) |
विविध धरणातून सांडवा, कालवा व विद्युतगृहाव्दारे सोडलेला विसर्ग क्युसेक्समध्ये पुढीलप्रमाणे
कोयना | 2100 क्युसेक्स |
कण्हेर | 24 क्युसेक्स |
वारणा | 1605 क्युसेक्स |
दुधगंगा | 1200 क्युसेक्स |
राधानगरी | 1300 क्युसेक्स |
तुळशी | 500 क्युसेक्स |
पाटगाव | 225 क्युसेक्स |
उरमोडी | 2274 क्युसेक्स |
विविध पुलाच्या ठिकाणी पाण्याची आजची पातळी व कंसात इशारा पातळी फूटामध्ये पुढीलप्रमाणे :
कृष्णा पूल कराड | 15.9 (45) |
आयर्विन पूल सांगली | 20.0 (40) |
अंकली पूल हरिपूर | 25.3 (45.11). |