उरी : द सर्जिकल स्ट्राईक, मसान या चित्रपटांमुळे अल्पावधीतच लोकप्रिय झालेला अभिनेता म्हणजे विकी कौशल. सध्या कोरोनामुळे लॉकडाऊन असल्याने विकी कौशल आपल्या घरीच राहून चाहत्यांशी सोशल मीडियाद्वारे संवाद साधत आहे. इन्स्टाग्रामवर प्रश्नोत्तरांचा खेळ सुरू असताना एका चाहत्याने विकी कौशलला त्याच्या आवडत्या अभिनेत्रीविषयी विचारले. त्यावेळी माधुरी दीक्षित- नेनेसोबतचा फोटो त्याने शेअर करत आपल्याला माधुरी आवडते असे सांगितले. करण जोहरच्या ‘तख्त’ या चित्रपटात विकी कौशलची महत्त्वाची भूमिका असून सरदार उधम सिंग या बायोपिकमध्ये तो प्रमुख भूमिकेत झळकणार आहे.
