बेळगाव : य् ाgनायटेड किंगडम येथे होणाऱ्या विश्व पॅराजलतरण स्पर्धेसाठी बेळगावचा दिव्यांग जलतरणपटू श्रीधर माळगी याची भारतीय पॅराजलतरण संघात निवड झाली आहे. 16 ते 19 मार्च दरम्यान युके येथे होणाऱ्या विश्व पॅराजलतरण स्पर्धेसाठी भारतीय पॅरा संघात निवड झाली असून तो या स्पर्धेत एस-8 गटातून 50 व 100 मी. फ्रिस्टाईल, 100 मी. ब्रेस्टस्ट्रोक व 200 मी. वैयक्तिक मिडले स्पर्धेत भाग घेणार आहे. तो जेएनएमसीच्या सुवर्ण जलतरण तलावात त्याचप्रमाणे जी. स्विमिंग अकादमी बेंगळूर येथे सराव करीत आहे. त्याला जलतरण प्रशिक्षक उमेश कलघटगी, ऑलिम्पिकपटू व अर्जुन पुरस्कार विजेते शरद गायकवाड, अक्षय शेरेगार, अजिंक्य मेंडके यांचे बहुमोल मार्गदर्शन लाभत आहे. यापूर्वीही श्रीधरने सहावेळा या स्पर्धेमध्ये भाग घेऊन 8 आंतरराष्ट्रीय तर 40 राष्ट्रीय पदके पटकाविली आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
