सांगली / प्रतिनिधी
अयोध्या येथील श्रीराम जन्मभुमी सोहळ्यानिमित्य सांगली आमदार सुधीरदादा गाडगीळ यांच्या जनसंपर्क कार्यालय येथे आनंद उत्सव साजरा करण्यात आला.
अयोध्या येथे श्रीराम मंदिराचा भुमी पुजन सोहळा अयोध्या येथे पार पडला. त्या अनुषंगाने मा.पंतप्रधान नरेंद्र मोदीजी यांनी सर्व भारतीयांना आनंद उत्सव साजरा करावा असे आवाहन केले होते त्याअनुषंगाने आमदार सुधीरदादा गाडगीळ यांच्या नेतृत्वाखाली सुधीरदादा गाडगीळ जनसंपर्क कार्यालय येथे श्रीरामाची आरती करून भगव्या ध्वजाची गुडी उभारून व पेढे वाटुन आनंद उत्सव साजरा केला.
यावेळी माजी उपमहापौर धीरज सूर्यवंशी, विश्वजित पाटील, गणपती साळुंखे, चेतन माडगुळकर, मकरंद महामुलकर आदि पदाधिकारी उपस्थित होते.