सोलापूर : प्रतिनिधी
सोलापूर शहारात शुक्रवारी रात्री नऊ वाजेपर्यंत 20 कोरोना पॉझिटीव्ह रुग्ण आढळले. उपचारा दरम्यान 4 जणांचा मृत्यू झाला तर बरे झाल्याने तब्बल 40 जनांना घरी सोडले असल्याची माहिती मनपा आयुक्त पी. शिवशंकर यांनी दिली.
सोलापूर शहरात शुक्रवारी 490 जणांचे अहवाल प्राप्त झाले. त्यातील 20 जणांचे अहवाल पॉझिटीव्ह तर 470 जणांचे अहवाल निगेटिव्ह आले. 20 पॉझिटीव्ह रुग्णांमध्ये 10 पुरुष तर 10 स्त्रियांचा समावेश आहे. शहरातील एकूण कोरोना बाधित रुग्णांची संख्या 3557 झाली आहे. तसेच उपचारादरम्यान 4 जणांचा मृत्यू झाला. तर बरे झाल्याने तब्बल 40 जनांना घरी सोडण्यात आले.
-एकूण तपासणी केलेल्या व्यक्ती : 17518
-शहरातील पॉझिटिव्ह रुग्णांची माहिती : 3557
-प्राप्त तपासणी अहवाल : 17459
-प्रलंबित तपासणी अहवाल : 59
-निगेटिव्ह अहवाल : 13902
-आजपर्यंत एकूण मृतांची संख्या : 318
-रुग्णालयात दाखल असलेल्या बांधितांची संख्या : 1223
-रुग्णालयातून बरे होऊन घरी गेलेले बाधितांची संख्या : 2016